Santiago de Compostela será este mes de setembro o escenario do XXIII Festival de Teatro Afeccionado Agustín Magán , unha cita consolidada que promove a cultura e a lingua galegas. Terá lugar do 7 ao 27 de setembro e será totalmente gratuíto.

O evento está organizado pola Federación Galega de Afectados de Teatro (FEGATEA) en colaboración co Concello de Santiago, a Dirección Xeral de Cultura da Xunta de Galicia e o Centro Dramático Galego.

Durante o festival, seis compañías de teatro afeccionado presentarán as súas obras en tres espazos emblemáticos da cidade: o Teatro Principal, a Sala Magán do centro sociocultural de Santa Marta e o Salón Teatro. As compañías participantes son Disfunción Continua, Ditea, Porta Aberta, Gargallada Teatro, Teatro Antas de Ulla e Teatro Pesadelo.

Un dos obxectivos do festival é achegar esta arte a novos públicos que non están tan afeitos a consumila. Ademais, homenaxea a Agustín Magán, figura fundamental do teatro afeccionado galego.

Podes consultar a programación na seguinte ligazón.