Atardecer no Gaiás , o ciclo de concertos ao aire libre que deixou pegada no verán compostelán, chega ao seu fin este xoves 31 de agosto . O escenario do Gaiás Center encherase de música en directo coa actuación da cantante Natalia Lacunza .

A programación para a edición deste ano foi unha vibrante mestura de xéneros e estilos . Foi pensado para satisfacer todos os gustos para que os cidadáns e visitantes da cidade puidesen achegarse á Cidade da Cultura e gozar do espectáculo.

No mes de xullo puidemos observar grandes artistas do panorama musical , como Juancho Marqués , Biznaga, Madalena Gamalho ou Jéssica Pina. O mes de agosto estivo á altura e seguiu cos solpores ao grande para despedir o verán, coa música urbana de Bejo ou o ritmo de Lontreira, unha das promesas do panorama musical galego.

O festival non coñece fronteiras e esta edición contou con numerosos artistas internacionais. Un deles é Ben L’Oncle Soul , que achegará ao recinto os ritmos irresistibles do soul contemporáneo. El será o encargado de pechar este ciclo xunto coa española Natalia Lacunza , os días 30 e 31, respectivamente.

Atardecer no Gaiás , un ano máis, convértese nun evento que se centra en bandas galegas emerxentes e artistas emerxentes, cun cartel diferente pero atractivo para todos.

Os últimos concertos celebraranse ás 21:00 horas na Praza Central da Cidade da Cultura de Santiago de Compostela e son totalmente gratuítos. Se tes curiosidade, podes vir disfrutar deste gran espectáculo antes de que remate.