O Museo de Historia Natural da Universidade de Santiago de Compostela está situado no coñecido Parque de Vista Alegre , que comunica co barrio do mesmo nome e coa rúa Galeras.
O proxecto naceu no Gabinete de Historia Natural , creado en 1840 e inicialmente destinado á promoción de coleccións para a docencia universitaria.
En 1906 obtén a categoría de Museo e, a partir dese momento, os fondos e pezas que conforman o seu patrimonio experimentan un progresivo incremento, do mesmo xeito que as actividades relacionadas coa docencia, a investigación ou a divulgación científica vinculadas á iniciativa.
Despois de pasar uns 50 anos na Facultade de Química compostelá, as instalacións trasládanse á súa actual localización , un novo edificio construído no Parque de Vista Alegre e inaugurado ao público en 2014.
As novas salas de exposicións están deseñadas seguindo as tendencias máis recentes de entidades destas características , que buscan mostrar o medio natural en escenarios realistas que reproducen diferentes tipos de ecosistemas.
Así, as instalacións albergan mostras con ducias de pezas únicas en canto á biodiversidade e ao medio ambiente, ofrecen visitas guiadas e diversas actividades enfocadas principalmente á comunidade escolar.
Todo iso dende a difusión dos destacados fondos botánicos, zoolóxicos e xeolóxicos que integran as súas coleccións, produto do traballo investigador, científico e docente e das doazóns, intercambios e adquisicións.
Entre elas, hai algunhas únicas en España, como a colección de modelos cristalográficos de madeira dirixida por R. Haüy ou a colección malacolóxica, de Emilio Rolán.
Ademais, conta na actualidade cunha valiosa biblioteca con máis de mil exemplares de moluscos e grupos de invertebrados , como esponxas e insectos.
As salas que compoñen o Museo están dedicadas principalmente á biodiversidade terrestre e marítima, á xeodiversidade e ao solo.
A exposición permanente permite coñecer e visitar os diferentes ecosistemas de augas e bosques continentais, contemplar minerais, pedras preciosas, rochas, fósiles e meteoritos, entre outros.
